Махны дундаж үнэ
2024 оны 4 дүгээр сарын 22-ны өдрийн байдлаар хонины ястай мах нэг килограмм нь дунджаар 14628 төгрөг, үхрийн ястай мах нэг килограмм нь дунджаар 18123 төгрөгийн үнэтэй тус тус худалдаалагдаж байна.
Өмнөх долоо хоногтой харьцуулахад үхрийн ястай махны үнэ тогтвортой, үхрийн цул махны үнэ 0.9 хувиар өсөж 20174 төгрөгийн дундаж үнэтэй байна.
Гурилын үнэ
“Алтан тариа” нэрийн савласан нэг кг гурилын дундаж үнэ дээдийн дээд зэрэг нь 4082 төгрөг, дээд зэрэг нь 2985 төгрөг, 1-р зэрэг нь 2463 төгрөг, 2-р зэрэг нь 1605 төгрөг байна.
Худалдан авагч ихээр үйлчлүүлдэг “Барс” худалдааны төвд “Алтан тариа” нэрийн савласан нэг кг гурилын дундаж үнэ дээдийн дээд зэрэг нь 4000 төгрөг, дээд зэрэг нь 2800 төгрөг, 1-р зэрэг нь 2300 төгрөг, 2-р зэрэг нь 1600 төгрөгөөр тус тус худалдаалагдаж байна.
Хүнсний ногооны үнэ
Өмнөх долоо хоногтой харьцуулахад монгол төмс 3.6 хувиар өсөж 1922 төгрөг, хүрэн манжин 3.6 хувиар буурч 2940 төгрөгийн дундаж үнэтэй байна. Харин бусад хүнсний ногооны үнэ тогтвортой байлаа.