Махны дундаж үнэ
2023 оны 09 дүгээр сарын III долоо хоногт үхрийн цул мах нэг килограмм нь дунджаар 18821 төгрөг, үхрийн ястай мах нэг килограмм нь дунджаар 16234 төгрөгийн үнэ ханштай байна. Өмнөх долоо хоногтой харьцуулахад Үхрийн ястай махны үнэ 0.5 хувиар буурсан бол үхрийн цул махны үнэ 0.8 хувиар өссөн байна. Энэ долоо хоногт үхрийн ястай мах “Хархорин” захад хамгийн хямд буюу 11500 төгрөг, харин “Саруул” худалдааны төвд хамгийн өндөр үнэтэй буюу 22500 төгрөг байна.
Өмнөх долоо хоногтой харьцуулахад хонины ястай махны үнэ 1.2 хувиар, хонины цул махны үнэ 0.8 хувиар тус тус буурсан байна. Энэ долоо хоногийн ажиглалтаар хонины ястай мах “Хархорин” Худалдааны төвд хамгийн хямд буюу 9500 төгрөгөөр, харин “Саруул” худалдааны төвд хамгийн өндөр үнэтэй буюу 18000 төгрөгөөр худалдаалж байна.
Гурилын үнэ
Нийслэлийн хүнсний томоохон зах, дэлгүүрт “Алтан тариа” нэрийн савласан нэг кг гурилын үнэ дээд зэрэг нь 2500-2930 төгрөг, 1-р зэргийнх 2200-2500 төгрөг, 2-р зэргийнх 1489-1800 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин”, “Барс” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” нэрийн гурилын үнэ 2320-2560 төгрөг, 1-р зэргийн гурил 1920-2300 төгрөгөөр тус тус зарагдаж байна. “Атар” талх хүнсний зах, дэлгүүрт 2370-2530 төгрөгийн үнэтэй байна. “M-Mart” супермаркет “Атар” талхыг хамгийн хямд буюу 2370 төгрөгөөр, харин “Cансар” супермаркет, “Саруул” Худалдааны төв, “Оргил” супермаркетад 2530 төгрөгөөр худалдаалж байна.
Хүнсний ногооны үнэ
Өмнөх долоо хоногтой харьцуулахад Монгол төмсний үнэ 1.2 хувиар өсч 1406 төгрөг, Монгол луувангийн үнэ 0.5 хувиар буурч 2979 төгрөг, Монгол байцааны үнэ тогтвортой байсан ба 1861 төгрөг, Хүрэн манжингийн үнэ тогтвортой байсан ба 3047 төгрөг, Монгол сонгино үнэ 5.8 хувиар буурч 3034 төгрөгөөр тус тус худалдаалагдаж байна.