Нийслэлийн төвийн 6 дүүрэгт байрладаг 10 хүнсний зах, худалдааны төвд хийсэн 35 нэр төрлийн хүнсний бараа бүтээгдэхүүний үнийн 2013 оны 6-р сарын 1-р долоо хоногийн ажиглалтаар өмнөх долоо хоногоос 20 нэрийн барааны үнэ тогтвортой, 9 нэрийн барааны үнэ буурсан, 6 нэрийн барааны үнэ өсчээ. 

Махны дундаж үнэ 

2013 оны 6-р сарын 1-р долоо хоногт хонины ястай нэг килограмм мах дунджаар 8171 төгрөг, үхрийн ястай мах нэг килограмм нь дунджаар 8914 төгрөгийн үнэтэй байна. Үхрийн ястай мах өмнөх долоо хоногтой харьцуулахад 1.1 хувиар буюу 100 төгрөг, үхрийн цул мах 0.7 хувиар буюу 71 төгрөгөөр тус тус буурсан байна. Энэ 7 хоногийн ажиглалтаар үхрийн мах “Хүчит Шонхор”, “Барс” хүнсний захуудад хамгийн хямд буюу 8000 төгрөг, “Таван Эрдэнэ” хүнсний захад хамгийн өндөр үнэтэй буюу 10500 төгрөг байв.

Хүснэгт 1.  Үхрийн 1 кг махны жижиглэн худалдах дундаж үнэ, 2005-2013 оны сар, төгрөг 

* 1-р долоо хоногийн ажиглалтаар

Хонины ястай мах өмнөх долоо хоногтой харьцуулахад 2.4 хувиар буюу 200 төгрөгөөр, хонины цул мах 0.8 хувиар буюу 67 төгрөгөөр буурчээ. Энэ долоо хоногийн ажиглалтаар хонины мах “Хүчит Шонхор” хүнсний захад хамгийн хямд буюу 7200 төгрөгөөр, харин “Меркури” хүнсний захад хамгийн өндөр үнэтэй буюу 9800 төгрөгөөр худалдаалж байна.

Хүснэгт 2.  Хонины 1 кг махны жижиглэн худалдах дундаж үнэ, 2005-2013 оны сар, төгрөг 

* 1-р долоо хоногийн ажиглалтаар

Гурилын үнэ  

2013 оны 6-р сарын 1-р долоо хоногт нийслэлийн хүнсний томоохон зах, дэлгүүрт гурилын үнэ дээд зэрэг нь 930-1050 төгрөг, 1-р зэргийнх 600-800 төгрөг, 2-р зэргийнх 500-600 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй дээд зэргийн “Алтан тариа” гурилын үнэ 930-аас 1000 төгрөгний үнэ ханштай байна. Харин “Барс” хүнсний захад нэг кг дээд зэргийн “Алтан тариа” гурил 950 төгрөг, 1-р зэргийн гурил 650 төгрөг, 2-р зэргийн гурил 500 төгрөгөөр тус тус зарагдаж байна. “Атар” талхны үнэ хүнсний зах, дэлгүүрт 775-920 төгрөгийн үнэтэй  байна. “Бөмбөгөр” хүнсний захад “Атар” талхыг хамгийн хямд буюу 775 төгрөгөөр, харин “Макс” хүнсний захад хамгийн өндөр үнээр буюу 920 төгрөгөөр худалдаалж байна.

Төмс, хүнсний ногоо 

2013 оны 6-р сарын 1-р долоо хоногт өмнөх долоо хоногтой харьцуулахад хятад лууван 6.7 хувиар буюу 50 төгрөгөөр буурч, харин манжин 1.4 хувиар буюу 24 төгрөгөөр өссөн байлаа. “Монгол” гэсэн тодотголтой төмс, хүнсний ногооны үнэ импортын буюу БНХАУ-аас оруулж ирсэн төмс, хүнсний ногооны үнээс өндөр байна.

НИЙСЛЭЛИЙН СТАТИСТИКИЙН ГАЗАР