.: Нийслэлийн статистикийн газар - Мэдээний шинэчлэл (RSS) :.

7 хоногийн үнийн танилцуулга (2012 оны 5-р сарын 16)

Нийслэлийн статистикийн газар — Wed, 16 May 2012 16:15:01 GMT

Нийслэлийн төвийн 6 дүүрэгт байрладаг 10 хүнсний зах, худалдааны төвд хийсэн 35 нэр төрлийн хүнсний бараа бүтээгдэхүүний үнийн 2012 оны 5-р сарын 3-р долоо хоногийн ажиглалтаар өмнөх долоо хоногоос 25 нэрийн барааны үнэ тогтвортой, 3 нэрийн барааны үнэ буурсан, 7 барааны үнэ өсчээ.

Махны дундаж үнэ

2012 оны 5-р сарын 3-р долоо хоногт хонины ястай нэг кг мах дунджаар 7213 төгрөг, үхрийн ястай мах нэг кг нь дунджаар 7800 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 3.0 хувиар буюу 229 төгрөг, үхрийн цул махны үнэ 6.0 хувиар буюу 525 төгрөгөөр тус тус өссөн байна. Энэ 7 хоногийн ажиглалтаар үхрийн мах “Хүчит Шонхор” хүнсний захад хамгийн хямд буюу 7200 төгрөг, “Меркури”, “Таван-Эрдэнэ” хүнсний захуудад хамгийн өндөр үнэтэй буюу 8500 төгрөг байв. Хонины ястай махны үнэ өмнөх долоо хоногтой харьцуулахад 1.1 хувиар буюу 75 төгрөгөөр, хонины цул махны үнэ 0.7 хувиар буюу 57 төгрөгөөр нэмэгдсэн байна. Энэ долоо хоногийн ажиглалтаар хонины мах “Хүчит Шонхор”, “Баянзүрх” хүнсний захуудад хамгийн хямд буюу 6800 төгрөгөөр, харин “Меркури” хүнсний захад хамгийн өндөр үнэтэй буюу 8200 төгрөгөөр худалдаалж байна.

Гурилын үнэ

2012 оны 5-р сарын 3-р долоо хоногт нийслэлийн хүнсний томоохон зах, дэлгүүрт гурилын үнэ дээд зэрэг нь 750-900 төгрөг, 1-р зэргийнх 600-772 төгрөг, 2-р зэргийнх 480-550 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй дээд зэргийн “Алтан тариа” гурилын үнэ 750-аас 900 төгрөгний үнэ ханштай байна. Харин “Барс” хүнсний захад нэг кг дээд зэргийн “Алтан тариа” гурил 800 төгрөг, 1-р зэргийн гурил 700 төгрөг, 2-р зэргийн гурил 500 төгрөгөөр тус тус зарагдаж байна. “Атар” талхны үнэ хүнсний зах, дэлгүүрт 630-700 төгрөгийн үнэтэй байна. “Баянзүрх”, “Бөмбөгөр”, “Хар хорин” хүнсний захуудад “Атар” талхыг хамгийн хямд буюу 630 төгрөгөөр, “Меркури”, “Номин”, “Марко”, “Макс” хүнсний захуудад хамгийн өндөр үнээр буюу 700 төгрөгөөр худалдаалж байна.

Төмс, хүнсний ногоо

2012 оны 5-р сарын 3-р долоо хоногт өмнөх долоо хоногтой харьцуулахад хятад төмс 1.5 хувиар буюу 9 төгрөгөөр буурч, харин монгол лууван 3.0 хувиар буюу 30 төгрөгөөр, хятад лууван 1.2 хувиар буюу 8 төгрөгөөр, байцаа 2.8 хувиар буюу 30 төгрөгөөр өсчээ. “Монгол” гэсэн тодотголтой төмс, хүнсний ногооны үнэ импортын буюу БНХАУ-аас оруулж ирсэн төмс, хүнсний ногооны үнээс өндөр байна.

2012 оны 4-р сарын эдийн засаг, нийгмийн байдал

Нийслэлийн статистикийн газар — Fri, 11 May 2012 11:01:05 GMT

7 хоногийн үнийн танилцуулга (2012 оны 5-р сарын 09)

Нийслэлийн статистикийн газар — Wed, 09 May 2012 14:56:38 GMT

Нийслэлийн төвийн 6 дүүрэгт байрладаг 10 хүнсний зах, худалдааны төвд хийсэн 35 нэр төрлийн хүнсний бараа бүтээгдэхүүний үнийн 2012 оны 5-р сарын 2-р долоо хоногийн ажиглалтаар өмнөх долоо хоногоос 24 нэрийн барааны үнэ тогтвортой, 5 нэрийн барааны үнэ буурсан, 6 барааны үнэ өсчээ.

Махны дундаж үнэ

2012 оны 5-р сарын 2-р долоо хоногт хонины ястай нэг кг мах дунджаар 7138 төгрөг, үхрийн ястай мах нэг кг нь дунджаар 7571 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 1.9 хувиар буюу 143 төгрөгөөр буурч, үхрийн цул махны үнэ 0.4 хувиар буюу 38 төгрөгөөр нэмэгдсэн байна. Энэ 7 хоногийн ажиглалтаар үхрийн мах “Хүчит Шонхор”, “Баянзүрх” хүнсний захуудад хамгийн хямд буюу 7000 төгрөг, “Меркури” хүнсний захад хамгийн өндөр үнэтэй буюу 8500 төгрөг байв.

Хонины ястай махны үнэ өмнөх долоо хоногтой харьцуулахад 0.2 хувиар буюу 13 төгрөгөөр өсч, харин хонины цул махны үнэ тогтвортой байна. Энэ долоо хоногийн ажиглалтаар хонины мах “Баянзүрх” хүнсний захад хамгийн хямд буюу 6600 төгрөгөөр, харин “Меркури” хүнсний захад хамгийн өндөр үнэтэй буюу 8200 төгрөгөөр худалдаалж байна.

Гурилын үнэ

2012 оны 5-р сарын 2-р долоо хоногт нийслэлийн хүнсний томоохон зах, дэлгүүрт гурилын үнэ дээд зэрэг нь 750-900 төгрөг, 1-р зэргийнх 600-772 төгрөг, 2-р зэргийнх 480-550 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй дээд зэргийн “Алтан тариа” гурилын үнэ 750-аас 900 төгрөгний үнэ ханштай байна. Харин “Барс” хүнсний захад нэг кг дээд зэргийн “Алтан тариа” гурил 800 төгрөг, 1-р зэргийн гурил 700 төгрөг, 2-р зэргийн гурил 500 төгрөгөөр тус тус зарагдаж байна.

“Атар” талхны үнэ хүнсний зах, дэлгүүрт 630-700 төгрөгийн үнэтэй байна. “Баянзүрх”, “Бөмбөгөр”, “Хар хорин” хүнсний захуудад “Атар” талхыг хамгийн хямд буюу 630 төгрөгөөр, “Меркури”, “Номин”, “Марко”, “Макс” хүнсний захуудад хамгийн өндөр үнээр буюу 700 төгрөгөөр худалдаалж байна.

Төмс, хүнсний ногоо

2012 оны 5-р сарын 2-р долоо хоногт өмнөх долоо хоногтой харьцуулахад хятад сонгино 3.2 хувиар буюу 33 төгрөгөөр буурсан байлаа. “Монгол” гэсэн тодотголтой төмс, хүнсний ногооны үнэ импортын буюу БНХАУ-аас оруулж ирсэн төмс, хүнсний ногооны үнээс өндөр байна.

МОНГОЛ УЛСЫН ХӨДӨӨ АЖ АХУЙН АНХНЫ ТООЛЛОГО

Нийслэлийн статистикийн газар — Wed, 09 May 2012 09:41:08 GMT

Статистикийн тухай Монгол Улсын хуулийн 7 дугаар зүйлийн 1, 5 дахь хэсэгт заасныг үндэслэн Засгийн газрын 2012 оны 137 дугаар тогтоолын дагуу манай улсад анх удаа хөдөө аж ахуйн тооллого 2012 оны 5 дугаар сарын 25-наас 6 дугаар сарын 15-ны өдрүүдэд болно.

Нийслэлийн Засаг даргын 2012 оны 5 дугаар сарын 3-ны өдрийн 299 дугаар захирамжаар Хөдөө аж ахуйн тооллогыг нийслэлийн нутаг дэвсгэрт зохион байгуулах ажлын хэсгийг байгуулав. Нийслэлийн дүүргийн тооллогын ажлын хэсэгт нийт 130 орчим тоологч ажиллана.

Анхны тооллогод нийслэлд хөдөө аж ахуйн чиглэлээр үйл ажиллагаа явуулдаг 560 орчим аж ахуйн нэгж, байгууллага, газар тариалан эрхэлдэг 4940 өрх, 2011 оны мал, тэжээвэр амьтдын тооллогод хамрагдсан өрхийн 33 хувь буюу 1653 өрхийг хамруулна.

Хөдөө аж ахуйн тооллогыг явуулснаар хөдөөгийн хөгжил, байгаль орчин, ус, газар ашиглалт, цөлжилт, загас, ойн аж ахуйн талаарх мэдээлэл, хөдөө аж ахуй эрхэлж буй өрхийн үйлдвэрлэлийн үйл ажиллагаанаас олж буй орлого, үйлдвэрлэлийг явуулахтай холбогдон гарч буй зардал, түүнчлэн хүнсний аюулгүй байдал, хомсдол, хангамж, мал эмнэлэгийн үйлчилгээний талаар иж бүрэн мэдээлэлтэй болно.

Хөдөө аж ахуйн тооллогыг явуулснаар олон улсын хэмжээнд зэрэгцүүлж болохуйц ХАА-н статистик мэдээллийг цуглуулах, бий болгох, хөдөө аж ахуйн статистикийн дэлхий нийтийн нэгдсэн системийг бүрдүүлэх, сайжруулах болон дэлхийн эдийн засгийн хөгжлийн үйл явцыг хөдөө аж ахуй, хүнсний аюулгүй байдал, ядууралтай холбон үнэлж, дүгнэх бололцоог олгодгоороо ихээхэн ач холбогдолтой юм. Иймээс Монгол улс түүхэндээ анх удаагаа Хөдөө аж ахуйн тооллогыг “НҮБ-ын Хүнс, хөдөө аж ахуйн байгууллагаас ХАА-н тооллогыг 2006-2015 онд явуулах Нэгдсэн Хөтөлбөр”-ийн дагуу зохион байгуулахаар төлөвлөж, бэлтгэл ажлыг ханган ажиллаж байна.

7 хоногийн үнийн танилцуулга (2012 оны 5-р сарын 02)

Нийслэлийн статистикийн газар — Wed, 02 May 2012 15:29:49 GMT

Нийслэлийн төвийн 6 дүүрэгт байрладаг 10 хүнсний зах, худалдааны төвд хийсэн 35 нэр төрлийн хүнсний бараа бүтээгдэхүүний үнийн 2012 оны 5-р сарын 1-р долоо хоногийн ажиглалтаар өмнөх долоо хоногоос 25 нэрийн барааны үнэ тогтвортой, 5 нэрийн барааны үнэ буурсан, 5 барааны үнэ өсчээ.

Махны дундаж үнэ

2012 оны 5-р сарын 1-р долоо хоногт хонины ястай нэг кг мах дунджаар 7125 төгрөг, үхрийн ястай мах нэг кг нь дунджаар 7714 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад тогтвортой, харин үхрийн цул махны үнэ 0.1 хувиар буюу 13 төгрөгөөр буурсан байна. Энэ 7 хоногийн ажиглалтаар үхрийн мах “Хүчит Шонхор” хүнсний захад хамгийн хямд буюу 7400 төгрөг, “Меркури” хүнсний захад хамгийн өндөр үнэтэй буюу 8500 төгрөг байв.

Хонины ястай махны үнэ өмнөх долоо хоногтой харьцуулахад 0.9 хувиар буюу 62 төгрөг, хонины цул махны үнэ 0.4 хувиар буюу 28 төгрөгөөр тус тус өссөн байна. Энэ долоо хоногийн ажиглалтаар хонины мах “Баянзүрх” хүнсний захад хамгийн хямд буюу 6600 төгрөгөөр, харин “Меркури” хүнсний захад хамгийн өндөр үнэтэй буюу 8200 төгрөгөөр худалдаалж байна.

Гурилын үнэ

2012 оны 5-р сарын 1-р долоо хоногт нийслэлийн хүнсний томоохон зах, дэлгүүрт гурилын үнэ дээд зэрэг нь 750-900 төгрөг, 1-р зэргийнх 600-772 төгрөг, 2-р зэргийнх 480-550 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй дээд зэргийн “Алтан тариа” гурилын үнэ 750-аас 900 төгрөгний үнэ ханштай байна. Харин “Барс” хүнсний захад нэг кг дээд зэргийн “Алтан тариа” гурил 800 төгрөг, 1-р зэргийн гурил 700 төгрөг, 2-р зэргийн гурил 500 төгрөгөөр тус тус зарагдаж байна.

Төмс, хүнсний ногоо

2012 оны 5-р сарын 1-р долоо хоногт өмнөх долоо хоногтой харьцуулахад монгол лууван 1.8 хувиар буюу 18 төгрөгөөр, байцаа 0.9 хувиар буюу 10 төгрөгөөр буурсан байлаа. “Монгол” гэсэн тодотголтой төмс, хүнсний ногооны үнэ импортын буюу БНХАУ-аас оруулж ирсэн төмс, хүнсний ногооны үнээс өндөр байна.